Siamo giunti alla fine di questo viaggio in compagnia delle parole della nostra tradizionale novena, tra qualche ora, per l’ ultima volta, risuoneranno i canti della novena a salutare il sole che sorge. Domani sera le ultime note si leveranno introducendo il clima della nascita di Gesù Bambino…. Non resta che augurare un buon Natale a tutti voi con le parole du nonu iornu, il giorno in cui il poeta lascia libera la penna e supera le consuete nove strofe, il canto è ormai un inno, un tripudio di gioia…
Nonu iornu
Misa già in orazioni
la gran Vergini Maria
cu na gran divozioni
a Gesù pinsannu ia,
e pinsava ca a lu friddu
nascirà Diu picciriddu.
Comu mai dici chiancennu
lu gran Diu di maistati
di li Rè lu Rè tremennu
ntrà lu friddu nascirà?.
Lu Signuri di lu celu
comu nasci ntrà lu ielu?
O, miu Diu di gran ricchizza,
comu nasci puvireddru?
Sarà veru, o mia biddrizza,
ca ti viu ngridduteddru?
Ca di friddru trema e mori
nun mi basta, no, lu cori .
Si di nasciri cunveni
pirchì nun nasci ntrà palazzi?
Pirchi tu nun ti nni veni
cu gran pompi, cu granni sfarzi?
Lu to granni summu amuri
ti fa nasciri in duluri.
Via chi tardi, o figliu miu,
figghiu duci figghiu d’oru
Quannu nasci e quannu, o Diu
renni saziu stu me cori?
Figliu beddu e duci assai
quannu, quannu, nascirai?
Quannu Quannu nascirai?
Quannu st’ura vinirà?
Quannu tu cunsulirai
l’infilici umanità
Quannu, o beni miu dilettu,
t’haiu a stringiri a lu pettu.
Ntrà st’affetti e ntrà st’amuri
la gran Vergini biata
tutta focu e tutta arduri
È in estasi elevata
e gudennu lu so’ Diu
a Gesuzzu si vidiu.
Natu già lu gran Missia
misi a chianciri e ngusciari
e la Vergini Maria
misi ancora a lacrimari.
Lu pigliau cu summu affettu
e lu strinci a lu so pettu.
San Giuseppi si risbiglia
già di l’estasi profunna,
e cu duci meraviglia,
si stupisci e si cunfunna.
Curri prestu spavintatu
e a Gesuzzu vitti natu.
Oh! Pinsati ch’è cuntentu!
Chi grannissima alligrizza!
Si scurdau di lu so stentu
pri la summa cuntintizza,
e cu tanti so’ piaciri
accussì si misi a diri:
Chi furtuna fu la mia!
Oh chi onuri e chi disiu!
D’adurari cu Maria
a stu locu lu miu Diu!
O Matri santa e mia signura
Ia vi fazzu la bonura.
O chi figliu aviti mpettu!
Oh chi bedda criatura!
quant’è bedda ch’è diletta
la sua facci mi nnamura
Chi su amabili sti giglia!
a la matri c’assumiglia
Oh chi ucchiuzzi o Diu c’aviti
chi linguzza ncarnatedda!
Veramenti beddru siti!
La pirsuna tutta è beddra!
tu si beddru figghiu miu
ma chiù beddru ca si Diu!
